TWLL TIN I'R CWIN +10

Ok Ok fi ddim moen dweud dim byd am y rhestrau Plaid Cymru, gwell cadw rhai pethau dan fy het. Ta beth Mystery Tour CF1 nos Wener diwethaf ac endio lan yn Ponty - Noson dda jest methu cofio bod yn Callaghans Caerdydd ar ol dod nol ond fi'n eitha ffyddiog nad yw ambell i un arall hefyd a gaiff aros yn ddi-enw. A ni di ffeinbdio bod gan Eilir Griffiths dalent arall yn ogystal ag arwain cor, Ma fe'n gallu chware pool yn dda hefyd

Nos Sadwrn - Lan i Aberystwyth i ddathlu deng Mlynedd ers Twll Tin y Cwin - I rai sydd dim yn gwbod - Lle Ffwc chi di bod, On i'n rhy ifanc i fynd i'r noson fawr yn y Cwps yn 1996, ond o beth mae pawb yn dweud hwnna oedd y gig gorau erioed i fod yn y Cwps. Ta beth penderfynno nhw neud e unwaith eto yn 2006(I'r rhai sydd methu cyfri 10 mlynedd ers y digwyddiad mawr) ac mi gafod nhw yr un bandiau i chwarae sef Geriant Lovgreen a'r Enw da ac Ysbryd Chouchen. Ac mi wnaeth Ysbryd Chouchen ganu'r un set a beth nathen nhw ganu yn y gig 10 mlynedd yn ol. Dim ond un waith fi di gweld Ysbryd Chouchen yn chwarae sef yn Eisteddfod Bro Ogwr yn 1998 ac mi oedden nhw yn dda iawn tro hynny ond Nos Sadwrn mi oedden nhw on form. Hyfryd gweld y grwp yn chware'r hen ganeuon. Uchafbwynt set Ysbryd Chouchen oedd "Can y Cwps" yn bendant - yn bennaf achos ei fod yn y Cwps ac oedd pawb yn ei hadnabod - Yn enwedig Glynis.
Wedyn mi aeth Geraith Lovgreen mlaen - A mi chwareuodd e'n wych hefyd - Yr unig biti oedd nad oedd Iwan Llwyd yn bresennol. Ond heblaw am hynny mae'r Band yn dal i fynd yn gryf ac fe nes i glywed ambell i gan newydd fel "Mynd i Bortmeirion mewn Levis". Fi'n sicir gwnaeth bawb fwynhau y noson. Neis cal y teimlad gan wbod bod chi ddim yn gorfod mynd i'r gwaith ar fore Dydd Llun - Blydi Athrawon yn cal Wythnos Off - Fi jest yn teimlo'n sori i'r rhai sydd yn gorfod bod yn grfrifol am fynd a plant i Steddfod yr Urdd. Wel fi'n cystadlu ar Ddydd Sadwrn da CF1 am y tro cyntaf ers gadael Aelwyd Pantycelyn so should be fun

CYMDEITHAS YR IAITH

ok Hapus Hedd????

Nol y Aber

Wel as luck would have it nes i endo lan nol yn Aber penwythnos diwethaf. Beth ddigwyddodd , wel Senedd Cymdeithas yr iaith - cyfarfod pwyllgor canolog Cymdeithas yr Iaith, wel ar ol i hwnna orffen odd i tua 4 os dwi'n cofio'n iawn ac oedd fy ffrind i Osian yn gyrru - mae ganddo hefyd dueddiad i fwyta ar yr un pryd ond stori arall yw honno, ond nath y ddau ohonom benderfynnu aros lan yn Aber am sesh - hei pwy on i i ddadlau - neis cal newid o Gaerdydd weithiau a mae'n llawer rhatach - ee yn y clwb snwcer roedd 3 lager ac 1 ginis di costio tua £6.50 so os taw eich tro chi yw e i brynnu rownd yn Aber ewch i'r clwb snwcer.
So noson arall yn Aber ac endio lan yn y Castell(y pyb wrth gwrs) - dim ond unwaith fi di bod yna ar ol oriau - on i dan yr argraff o'r blaen taw dim ond yr Angel oedd ar agor yn hwyr yn Aber ac mae nhw yn dueddol i fynd yn boring ar ol ychydig - ond ni dal yn mynd yna jest er mwyn yfed yn hwyr - ma fe yn neud sens os chi'n meddwl amdano fe !!!

Hasbins Aber

Wel fel Hasbin o Aber es i benwythnos y rugby 7s yn Aberystwyth dros y penwythnos-er bo fi ddim di gweld unrhyw rygbi odd e jyst yn wythnos o sesh. Ar y ffordd lan gyda chwpwl o gyfeillion ges i alwad ffon gan llywydd UMCA yn gofyn i fi'n neis iawn i fod yn DJ am y gig fawreddog oedd yn Harleys ar y nos Sadwrn. Ond roedd un problem doedd gen i ddim o fy ngherddoriaeth i gyda fi- dim ond fy iPod -so trefnwyd i gysylltu'r iPod mewn i'r PA a chware'r caneuon off yr iPod yn syth. So ar ol i fi gyrraedd dyma fi'n gweld Stephen y llywydd mewn panic llwyr - Roedd dau o'r bandiau wedi tynnu allan y funud ola sef y bandiau RASP a dim ond un band oedd yn chwarae sef y Mattoidz a oedd yn ffilmio ar gyfer Bandit ac yn dod i fyny'n hwyrrach - so panic llwyr a dyma ni gyd yn meddwl beth oedd y peth gorau i wneud ac or diwedd dyma Alun Gaffey yn cytuno i wneud set o flaen Mattoidz - so ar ol iddo fe ffonio cwpwl o gysylltiadau a chael gitar roedd y sefyllfa yn edrych bach yn well.

Wedyn i bob sioc pwy ddaeth draw ond Perchenog Harleys a dyma ni'n esbonio beth oedd wedi digwydd a dyma fe'n dweud fod Heather Jones yn chware yn Scholars ac mi fydd e'n danfon hi draw ar ol iddi hi orffen fan yna Gret!!! ie plis!!! oedd yr ymateb yn syth so dyma ni yn tecsio pawb i ddweud fod y gig dal mlaen a ffwrdd a ni-Aeth Gaff mlaen i dechrau a chware set oedd yn dda iawn - mae'n gitarydd o fri ac rhoddodd berfformiad ardderchog o ystyried fod e heb ymarfer

Wedyn aeth Mattoidz ymlaen - fel arfer Gwych!!!! does dim un gair arall gallwn ddefnyddio i ddisgrifio band mor dynn ar y llwyfan ac yn gallu perfformio yn broffesiynnol iawn. Mae'r band ym a wedi datblygu llawer dros y flwyddyn diwethaf ac mae nhw'n gwella bob tro rwy'n eu gweld. Yn olaf roedd Heather Jones Fe berfformiodd hi hefyd yn wych gan ganu nifer o glasuron megis Cwm Hiraeth, Mynd yn ol i'r Dre a Ble'r aeth yr Haul, a dwi'n meddwl bod hi'n deg dweud bod eu llais hi mor swynol ag erioed. Roedd y gynulleidfa yn mwynhau ac roedd hi yn mwynhau perfformio. Ac ar y diwedd fe gannodd hi yr hen ffefryn sef Colli Iaith - Aeth y lle yn dawel iawn a dyma beth oedd uchafbwynt y noson i fi ac sydd wedi profi eu bod yn dal yn haeddu pob cefnogaeth a chanmoliant yn y sin Gymraeg heddiw.

Ar ol y gig sesh yn yr Angel a hangover mawr bore wedyn -Ie on i nol yn Aberystwyth
Penwythnos a Hanner